Ёшлар ўртасида соғлом турмуш тарзини шакллантириш ва уларнинг спортга қизиқишини ошириш мақсадида куни кеча Ўзбекистон Функционал кўпкураш федерацияси томонидан Тошкент шаҳар Шайхонтоҳур туманнинг болалар ва ўсмирлар спорт мактаби ҳамда умумтаълим мактабларининг жисмоний тарбия ўқитувчилари билан ўқув-семинар ўтказилди.

Тадбир давомида ёшларни жисмоний тарбиялаш ва ушбу тизимини такомиллаштириш масалалари муҳокама қилинди. Бундан ташқари Функционал кўпкураш ва машқлар комплексининг тушунчалари ҳақида маълумот берилди.

Шунингдек, Федерация раисининг биринчи ўринбосари Л. Раҳматуллаева бугунги кунда Тошкент шаҳрида ёшларнинг функционал кўпкураш секцияларида бепул таҳсил олишлари учун имконият яратилганини таъкидлади.