Куни кеча Шайхонтоҳур тумани қўриқлаш бўлимида, Тошкент шаҳар қўриқлаш бошқармаси бўлинмалари ходимлари ўртасида спортнинг функционал кўпкураш тури бўйича Қўриқлаш бошқармаси бошлиғи кубоги учун мусобақа бўлиб ўтди. 12 та жамоа 20 нафар иштирокчи 6 йўналишдаги шартларни бажариб биринчилик учун беллашдилар. 40 кг оғирликдаги тошларни силтаб кўтариш, арғамчида сакраш, турникка тортилиш, махсус тўсиқлардан ўтиш ва қутилар устидан ошиб ўтиш каби махсус синовлардан ўтган спортчиларнинг шартларни тез ва аниқ бажариб боришини ҳакамлар кузатиб боришди.
Томошабинларнинг олқишлари ҳамда кўллаб қувватлашлари жамоаларга куч бағишлаб уларни янада олдинга интилишга сабаб бўлди. Энг яхши натижани кўрсатиб кучли учликдан жой олган Яшнобод тумани қўриқлаш бўлими жамоаси 3-ўринга муносиб кўрилди. 1-ўринни кўлга киритган жамоадан атиги 3 дақиқа кеч қолган Мирзо Улуғбек тумани қўриқлаш бўлими ходимлари иккичи ўринни кулга киритди. Бошқарма бошлиғи кубоги эса Олмазор тумани жамоасига насиб этди. Функционал кўпкураш федерацияси билан биргаликда ташкил этилган мазкур беллашувда совриндорларга кубок, медаль ва эсдалик совғалари топширилди.
Поделиться: