O'zbekiston Respublikasi funksional ko'pkurash federatsiyasi

Yangiliklar

Barcha yangiliklar

YOSH GVARDIYACHILAR O‘RTASIDA FUNKSIONAL KO‘PKURASH MUSOBAQASI

Qoraqalpog‘iston Respublikasi Qo‘riqlash boshqarmasi tashabbusi bilan 27 oktyabr' kuni Nukus shahrida sportning Funksional ko‘pkurash turi bo‘yicha boshqarma boshlig‘i kubogi musobaqasi bo‘lib o‘tdi.Musobaqada To‘rtko‘l, Chimboy va Xo‘jayli tumanlarida joylashgan harbiy vatanparvarlikka ixtisoslashtirilgan maktablarda ta'lim olayotgan o‘quvchilar ishtirok etib, o‘z mahoratlarini sinovdan o‘tkazishdi. Jamoalarning musobaqa shartlarini qanday darajada bajarishlari haqamlar hay'ati tomonidan baholab borildi. Sinovlarda faol ishtirok etib, barcha shartlarni aniq va xatosiz bajargan ishtirokchilar musobaqa so‘ngida munosib taqdirlandilar. Umumiy hisobga ko‘ra To‘rtko‘l tumanidagi 18-sonli maktab o‘quvchilari o‘z epchilliklarini namoyon etib birinchi o‘rinni qo‘lga kiritgan bo‘lishsa, ikkinchi o‘rin Xo‘jayli tumanidagi 15-sonli maktab jamoasiga nasib etdi. Nukus shahridagi 44-sonli maktabining yosh gvardiyachilariga esa shohsupaning uchinchi o‘ringa munosib ko‘rildi. G‘oliblar kubok, medal', diplom va qimmatbaho sovg‘alar bilan taqdirlandi. Shu bilan birga faollik ko‘rsatgan Chimboy tumani 36-sonli maktabning yosh gvardiyachilari ham tashkilotchilar tomonidan munosib taqdirlandilar. Sport o‘zaro ahillikni, do‘stlikni targ‘ib etuvchi asosiy vositadir. Bu kabi musobaqalar ham yoshlarning jismonan chiniqishlari, o‘zaro tajriba almashishlariga xizmat qilishi bilan ahamiyatlidir.

FUNKSIONAL KO‘PKURASH BO‘YICHA NAVBATDAGI MUSOBAQA FARG‘ONADA O‘TKAZILDI

Hozirda funksional ko‘pkurash sport turini targ‘ib etish, jismonan chiniqqan sportchilarni aniqlash, ularni nufuzli xalqaro musobaqalarga tayyorlash maqsadida, turli musobaqalar o‘tkazilib kelinmoqda. Jumladan, joriy yilning 20 oktyabr' kuni Farg‘ona viloyati Qo‘riqlash boshqarmasi, Turizm va sportni rivojlantirish boshqarmasi hamda Xalq ta'limi bo‘limi hamkorligida Farg‘ona shahridagi umumta'lim maktablari o‘quvchilari o‘rtasida mazkur sport turi bo‘yicha Qo‘riqlash boshqarmasi boshlig‘i kubogi musobaqasi o‘tkazildi. Tadbir avvalida ishtirokchilarni musobaqa shartlari bilan tanishtirib, so‘ngra bellashuvlarga start berildi. Musobaqada 5 ta jamoa vakillari 3 bosqichda, estafeta, tirsak yordamida planka mashqi, arqonda sakrash kabi bellashuv shartlari va elementlarini bajardilar. Musobaqa natijalariga ko‘ra, g‘olib bo‘lgan jamoalar hamda faol ishtirokchilarga tashkilotchilar tomonidan diplom, medal' va esdalik sovg‘alari topshirildi.

Yoshlar funksional ko‘pkurash sport turida o‘zlarini sinab ko‘rishdi

Mamlakatimizda "Funksional ko‘pkurash" ya’ni "krossfit" sport turini rivojlantirish va ommalashtirish, shuningdek yoshlarning ushbu sport turiga bo‘lgan qiziqishini oshirish maqsadida, kuni kecha Milliy gvardiya hamda O‘zbekiston funksional ko‘pkurash federatsiyasi hamkorligida, Toshkent shahrida joylashgan harbiylashtirilgan maktablarning 7-9 sinf o‘quvchilar o‘rtasida "funksional ko‘pkurash" bo‘yicha spartakiada musobaqalari tashkil etildi. Tadbir avvalida, federatsiya vakillari ishtirokchilarga respublikamiz bo‘ylab, mazkur yangi sport turini joylarda targ‘ib qilish, bu yo‘nalishda hududlarda to‘garaklar ochish borasida amalga oshirilayotgan ishlar xususida so‘z yuritib, bellashuv qatnashchilariga omadlar tiladilar. Shundan so‘ng, yosh sportchilar qizg‘in bahslarga kirishdilar. Unda yoshlar o‘z kuch va mahoratlarini sinovdan o‘tkazdilar. Spartakiadada yakuniy natijalarga ko‘ra g‘olib bo‘lgan sportchilarga Milliy gvardiya hamda "7Saber" sport tashkiloti tomonidan diplom, kubok va qimmatbaho sovg‘alar topshirildi.

O‘zbekiston respublikasi funksional ko‘pkurash federatsiyasi va sport tashkilotlar o‘rtasida o‘zaro hamkorlik memorandumi imzolandi

Kuni kecha O‘zbekiston Respublikasi Milliy gvardiyasi Qo‘riqlash bosh boshqarmasida, funksional ko‘pkurash federatsiyasi hamda bir qator sport tashkilotlari o‘rtasida qo‘pkurash sport turini rivojlantirish hamda ommalashtirish borasidagi masalalar muhokamasiga bag‘ishlangan uchrashuv tashkil etildi. Mazqur tadbirda, funksional ko‘pkurash federatsiyasi raisi, Milliy gvardiya qo‘mondoni o‘rinbosari polkovnik Ma’mirjon G‘aniyev, federatsiya a’zolari va “Tribe”, “BukaGym”, “Akhmat”, “998” kabi bir qator yirik sport tashkilotlari vakillari ishtirok etishdi. Unda funksional ko‘pkurash sport turini yanada takomillashtirish, yoshlar o‘rtasida ushbu sport turini targ‘ib qilish maqsadida, mazkur sport tashkilotlari bilan o‘zaro hamkorlik memorandumi imzolandi. Uchrashuvda funksional ko‘pkurashni yangi bosqichga olib chiqish, hududlarda yangi to‘garaklar faoliyatini yo‘lga qo‘yish, o‘zida kuch, iroda va chidamlilikni talab etadigan ushbu sport turida yosh iqtidor egalarini kashf etish, yangi chempionlarni tarbiyalash, respublika va xalqaro musobaqalarni tashkil etish, sportchilar uchun munosib shart-sharoitlar yaratish, moddiy texnik bazasini yanada mustahkamlash bo‘yicha qator dolzarb vazifalar belgilab olindi.

Sportchilar mashqlarda toblanmoqda

O‘zbekiston Respublikasi Milliy gvardiyasi harbiy xizmatchilari hamda Qo‘riqlash bosh boshqarmasi xodimlari orasida, eng qiyin kuch va gimnastika mashqlarni umumlashtirgan sportning yangi funksional ko‘p kurash turi ya’ni “krossfit” tobora ommalashmoqda. Bu xodimlarning jismonan sog‘lom, sport sinovlarida chidamli bo‘lishga, baquvvat va irodali sportchilarni tayyorlashga xizmat qilmoqda. Bugungi kunda joylarda funksional ko‘pkurash federatsiyasining malakali murabbiylari tomonidan Milliy gvardiya harbiy xizmatchi va xodimlari o‘rtasida muntazam mashg‘ulotlar olib borilmoqda, shuningdek, mehribonlik uylari tarbiyalanuvchilari uchun tadbirlar tashkil qilmoqda. Funksional ko‘pkurash o‘zida 10-ta asosiy insoniy fazilatlarni rivojlantirishga qodir bo‘lgan o‘quv tizimi: Yurak-qon tomir va nafas olish tizimlarining chidamligi; Tana chidamligi; Kuch; Moslashuvchanlik; Quvvat; Tezlik; Muvofiqlik; Chaqqonlik; Balans; Aniqlik. Bu og‘ir va yengil atletika, badiiy gimnastika, tosh ko‘tarish, yugurish, suzish, velosipedda yurish va boshqalar kabi kardio yuklarning barcha turlariga asoslangan. Mazkur sport turini nafaqat harbiy xizmatchi va xodimlarda, balki barcha uyushmagan yoshlar o‘rtasida targ‘ib qilish orqali, ularda eng avvalo kuch, iroda va chidamlilikni mustahkamlash maqsad qilib olingan.

Funksional ko‘pkurash qanday sport turi

Funksional ko‘pkurash – bu ko‘p energiya talab qiluvchi, ko‘p bo‘g‘imli harakatlardan foydalanadigan sport turi bo‘lib, u erkin og‘irlikdagi mashqlar, shaxsiy tana og‘irligi bilan mashqlar, siklik (kardio) mashqlardan foydalangan holda maxsus tuzilgan komplekslar to‘plamlarini birlashtirib, bir vaqt davomida uzluksiz bajarishlarni o‘z ichiga oladi.Ushbu sport turining asosiy vazifasi – tananing turli tizimlarini jadal rivojlantirish va umumiy sog‘likni mustahkamlashdan iborat. Kombinatsiyalashgan mashqlar ishtirokchilarni chiniqtirish, ularni chidamlilik darajasini oshirish, jismoniy imkoniyatlarini har qanday yuklamaga moslashtirish.Mashqlar komplekslarini ishlab chiqishning asosi bu ko‘p funksionallik tamoyilidir, bu esa tananing barcha funksiyalarini raqobat yo‘li bilan ishlatish va jismoniy jihatdan eng yaxshi tayyorlangan sportchilarni aniqlash imkonini beradi. Jismoniy qobiliyatlarni oshirish va rivojlantirish hamda har qanday holatlarga moslashtirish qobiliyati funksional har qanday sharoitlarda, har qanday yuklamalarga moslashuvchanlik funksional afzalligidir.Funksional ko‘pqirralilik ko‘nikmalarga erishish orqali zarur bo‘lgan boshqa barcha sport turlari uchun ham foydali bo‘ladi.

Media galereya

Barcha galereyalar

Hamkorlar