Жорий йилнинг 24 октябрь куни Ўзбекистон Республикаси Жамоат хавфсизлиги университети Жисмоний тарбия ва спорт кафедраси ташаббуси билан Функционал кўпкураш федерацияси ҳамкорлигида Университет биринчилиги бўлиб ўтди.
Мамлакатимиз аҳолиси, шунингдек, ҳуқуқни муҳофаза қилувчи орган ходимлари, куч тузилмалари ҳарбий хизматчилари ўртасида Функционал кўпкураш бўйича кўплаб мусобақалар ташкил этилиб, шахсий таркибнинг жисмоний тайёргарлиги, спортга бўлган иштиёқи оширилмоқда. Ана шундай мусобақалардан бири Жамоат хавфсизлиги университетида курсантлар ўртасида ташкил этилди.
                    
Мусобақада Университетнинг олтита бўлинмасининг энг кучли спортчилари: курсант ва аскар батальонларидан ташкил топган терма жамоалар иштирок этди. Танлов мажмуаси 5 та машқни ўз ичига олган бўлиб 5 турдан иборат бўлди. Мусобақада курсантлар турникда тортиниш, тумбага сакраш, тош кўтариш, ердан кўтарилиш ва тушиш машқи ҳамда 150 метрга югуриш машқлари бўйича беллашдилар.
Мусобақа якунига кўра учинчи ўрин 2-курсантлар батальонига, иккинчи ўрин 3-курсантлар батальони жамоасига ҳамда фахрли биринчи ўрин 4-курсантлар батальони терма жамоасига насиб этди. Ғолиб бўлган жамоалар қимматбаҳо совринлар, диплом ва кубок билан тақдирландилар.