Қорақалпоғистон Республикаси Қўриқлаш бошқармаси ташаббуси билан 27 октябрь куни Нукус шаҳрида спортнинг Функционал кўпкураш тури бўйича бошқарма бошлиғи кубоги мусобақаси бўлиб ўтди.
Мусобақада Тўрткўл, Чимбой ва Хўжайли туманларида жойлашган ҳарбий ватанпарварликка ихтисослаштирилган мактабларда таълим олаётган ўқувчилар иштирок этиб, ўз маҳоратларини синовдан ўтказишди. Жамоаларнинг мусобақа шартларини қандай даражада бажаришлари ҳақамлар ҳайъати томонидан баҳолаб борилди.

                   

     Синовларда фаол иштирок этиб, барча шартларни аниқ ва хатосиз бажарган иштирокчилар мусобақа сўнгида муносиб тақдирландилар. Умумий ҳисобга кўра Тўрткўл туманидаги 18-сонли мактаб ўқувчилари ўз эпчилликларини намоён этиб биринчи ўринни қўлга киритган бўлишса, иккинчи ўрин Хўжайли туманидаги 15-сонли мактаб жамоасига насиб этди. Нукус шаҳридаги 44-сонли мактабининг ёш гвардиячиларига эса шоҳсупанинг учинчи ўринга муносиб кўрилди. Ғолиблар кубок, медаль, диплом ва қимматбаҳо совғалар билан тақдирланди. Шу билан бирга фаоллик кўрсатган Чимбой тумани 36-сонли мактабнинг ёш гвардиячилари ҳам ташкилотчилар томонидан муносиб тақдирландилар.

               

     Спорт ўзаро аҳилликни, дўстликни тарғиб этувчи асосий воситадир. Бу каби мусобақалар ҳам ёшларнинг жисмонан чиниқишлари, ўзаро тажриба алмашишларига хизмат қилиши билан аҳамиятлидир.