Ўзбекистон Республикаси Миллий гвардияси ҳарбий хизматчилари ҳамда Қўриқлаш бош бошқармаси ходимлари орасида, энг қийин куч ва гимнастика машқларни умумлаштирган спортнинг янги функционал кўп кураш тури яъни “кроссфит” тобора оммалашмоқда.
Бу ходимларнинг жисмонан соғлом, спорт синовларида чидамли бўлишга, бақувват ва иродали спортчиларни тайёрлашга хизмат қилмоқда. Бугунги кунда жойларда функционал кўпкураш федерациясининг малакали мураббийлари томонидан Миллий гвардия ҳарбий хизматчи ва ходимлари ўртасида мунтазам машғулотлар олиб борилмоқда, шунингдек, меҳрибонлик уйлари тарбияланувчилари учун тадбирлар ташкил қилмоқда.
Функционал кўпкураш ўзида 10-та асосий инсоний фазилатларни ривожлантиришга қодир бўлган ўқув тизими:
Юрак-қон томир ва нафас олиш тизимларининг чидамлиги;
Тана чидамлиги;
Куч;
Мослашувчанлик;
Қувват;
Тезлик;
Мувофиқлик;
Чаққонлик;
Баланс;
Аниқлик.
Бу оғир ва енгил атлетика, бадиий гимнастика, тош кўтариш, югуриш, сузиш, велосипедда юриш ва бошқалар каби кардио юкларнинг барча турларига асосланган. Мазкур спорт турини нафақат ҳарбий хизматчи ва ходимларда, балки барча уюшмаган ёшлар ўртасида тарғиб қилиш орқали, уларда энг аввало куч, ирода ва чидамлиликни мустаҳкамлаш мақсад қилиб олинган.